[轉載/Youtube] Angelababy（楊穎）及丁子高昨日齊穿喜慶紅衣，到尖沙嘴出席新年活動。對於年三十與男友黃曉明在澳門放煙花迎新歲，被網民上載照片，Baby昨日則向記者詐嬌請求大家放她一馬不要問緋聞問題，但揚言將來要生很多BB。
父母滬度歲
Baby今個農曆新年僅得大年初一一天假期，故年三十晚把握時間與男友黃曉明在澳門放煙花迎新歲，但遭網民將二人照片上載，Baby昨日詐嬌說：「唔講啦，放過我啦。」在台上抱BB雞手鴨腳的她，自言很喜歡BB：「我呢世人一定會生好多BB，不過家冇呢個計劃，一定唔會生兔BB。」今年新年Baby父母返上海過年，她與黃曉明則在澳門度歲，問她黃曉明有否打電話向她父母拜年，她說：「冇呀，佢哋未見過。」
丁子高則指已非常努力造人，他說：「要舊曆3月前造到先生到兔BB，如果唔係就蛇BB，我都希望生兔BB呀，我屬羊，生兔旺屋企，師傅話今年機會都好大，家我同千嬅都分別睇中醫調理身體，中醫叫我哋要戒飲可樂同奶。」他又指一手炮製生日派對賀千嬅大年初一生日，親手自製二人由認識至結婚的照片表給她。
丁子高開賭
丁子高說：「我哋由年三十晚開始玩到初一，好攰。年三十晚我哋屋企好似賭船咁，啲朋友出出入入成百人，我做咗10個鐘莊。」問他會否效法陳慧琳人工受孕生孖胎，他說：「我唔反對，但係想試吓順其自然先。」
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment