[轉載/Youtube] 李少光抹黑赴日港人
保安局局長李少光昨在立法會被議員追問為何不提升東京的外遊警示級別時，反責有市民「攞着數」。他直指理解有到東京旅行的市民，歸咎政府未向該區發出黑色警示，令他們不獲退款，強調外遊警示絕非「退款機制」。民主黨議員涂謹申批評李少光「抹黑」，忽略被委派到東京公幹港人的安危，直斥他「可惡可憎」。
稱警示非退款機制 旅遊界立法會議員謝偉俊昨提出緊急口頭質詢時表示，洩漏輻射情況變幻莫測，連日本政府亦不能確定，質疑保安局為何只向四個縣而非全日本發黑色旅遊警示。「國家已經撤僑，我哋仲叫旅客去玩，係咪開玩笑？起碼東京同埋日本北部都要係黑色啦」。 李少光回應時堅稱，外遊警示制度有既定機制及客觀評估，反駁說：「旅客唔係我哋派去，係佢哋自願去。」他又「恐嚇」一旦將全日本警示升為黑色，便要同時將東京的入境處職員召回，「冇理由叫人唔好去，我哋又派同事去」。民主黨涂謹申質疑，相較目前仍維持黑色警示的菲律賓，東京的危險性遠超當地。他認為李少光應有常識作判斷。 不過，李少光反駁指，留意市民有不滿，「特別係告咗假同畀咗錢嘅市民，因為航空公司唔肯賠錢，覺得係因為政府冇發黑色警告，（我）對佢哋將責任推畀政府、有所不滿好理解」。但他強調，警示制度只供參考，「唔係一個方便市民嘅退款機制」。涂謹申在會後狠批李少光抹黑，他指旅遊以外，市民也要到東京公幹，批評李少光「只諗到人哋話要回水，根本就抹黑港人，將責任推返去市民身上，係可惡同可憎」。
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment