[轉載/Youtube] 日本男子組合EXILE噚日喺會展出席東亞娛樂簽約儀式，老闆林建岳率領楊千嬅、蘇永康同許志安撐場，擊鼓舞獅之餘，一眾東亞巨星包括黎明、劉德華、鄭秀文同舒淇都有錄影片段打氣，千嬅仲撇低老公喺受水災影響嘅澳洲趕返港為EXILE打氣。
EXILE感溫暖
EXILE透過繙譯話，前日嚟到香港機場見到咁多fans接機，已感到好溫暖，希望加盟東亞後，可以再去到唔同地方發展同開辦舞蹈學校，佢哋嘅學校嚟緊會進駐香港。講到合作大計，EXILE話：「喺台灣同周杰倫合作過，之前同楊千嬅喺《大城小事》歌曲合作過，希望同東亞歌手合作之餘，可以搵林夕幫我哋寫中文歌詞。」
楊千嬅啱啱喺受水災影響嘅澳洲返香港，佢話途中經過災區布里斯本，見到好多地方受淹浸。千嬅老公丁子高仲要逗留當地幾日探朋友，搞到千嬅鬼咁擔心，佢話：「我好擔心佢，不過佢話識游水，叫我唔使擔心。」
入選50大美人
另外，千嬅入選搜狐50大美人之列，佢話聽到第一個反應係打冷震同勁緊張，仲話老公從未叫過佢美人。林建岳前晚就喺中環一間日本餐廳宴請EXILE，EXILE先坐小巴到達，約15分鐘後，老闆林建岳親自到場招呼。
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment