[轉載/Youtube] 股壇名嘴胡孟青噚日為一個經濟研討會做嘉賓，講今年股市，點知上台講咗兩句台下就有超過五名觀眾輪流大鬧，話青姐冇資格做股評人，一位女觀眾仲走去台前向佢哭訴。青姐回應話，每個人都要輸得起，又指97年大家都輸過，最重要係識得點樣從失敗中爬起身。
數名觀眾聽咗佢咁講，情緒仲激動，有人鬧佢「肥婆」，批評佢連自己體重都管理唔好，點教人炒股票；又大罵佢罔顧股民利益，質問佢係咪有收受上市公司金錢為佢哋「推銷」股票，至此場面幾乎失控，最後佢惟有結束發言，幾名觀眾亦被請離場。
胡孟青最為人熟識，係佢喺滙控金融海嘯世紀供股時，見到滙豐股價跌至每股33元，在電視鏡頭前忍唔住喊咗出嚟一幕。其實，佢不時有出位言論，有次喺電視財經節目講雷曼苦主，話聽聞有示威人士係每日收200蚊酬勞嘅，言論即時引起雷曼苦主大聯盟強烈不滿，有約30名苦主衝到有線電視中環直播室示威，最後要警方調停。
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment