[轉載/Youtube] 電影《婚前試愛》報捷，話票房有800萬，仲直逼1000萬，如果真係達標，主角周秀娜話到時會同羅仲謙一齊着三點式游冬泳！
開香檳慶祝
《婚前試愛》一班演員噚日喺尖沙嘴開祝捷會，當然有開香檳慶祝啦，導演葉念琛仲話會考慮開續集。《婚前試愛》賣點多，偷食題材、床戰戲不在話下，仲有娜姐同浸大咪神楊梓瑤（Carol）着內衣鬥身材，續集唔知仲有乜嘢新嘢睇？
祝捷會上大家都好期待《婚》片續集，於是問娜姐會唔會露無可露？娜姐突然反應好大，佢笑住回應：「露毛！哈哈哈！大家唔好focus喺床戲度，其實好多人係鍾意個題材。」娜姐講到露毛就咁開心，問佢續集夠唔夠膽全裸？佢話：「好難講，上一次有時間坐低講，今次都未落實。」
楊梓瑤撈
講到開續集，Carol好希望導演畀機會，佢話：「咁耐以來都冇聽到導演對我有不滿，不過我知道自己仲有進步空間。」娜姐保留性感尺度，Carol又點呀？佢話：「要睇劇本，等我再拿揑得好啲，我會有信心，我希望我想做到時真係可以做到！」
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment