[轉載/Youtube] January 11, 2011 隔牆有耳：撐申亞廣告造假屈人支持
政府申亞大龍鳳星期五係高潮，民建聯是否言行一致當日在財委會投反對票係全城焦點，左派社團近日大灑金錢喺報紙登廣告，以「各界支持香港申辦 2023年亞運聯會」名義造勢撐申亞，四大版廣告有近千個社團聯署。
測量師學會澄清
大堆頭撐申亞以為好架勢，原來好兒戲，其中一個聯署團體測量師學會噚日澄清從來冇表態撐申亞，該會新任會長黃比對八方講，由於未諮詢會員，所以早前已回覆聯會唔支持申亞，點知聯會始終誤以為該會支持，搞錯晒。八方恐怕苦主團體唔只一個，被屈者快啲出聲。
撐申亞廣告有近千個聯署團體，包括優質肉雞發展促進會，呢個會撐申亞冇所謂，運動員唔好亂打針催谷體能就得嘞。
高官繼續做騷撐申亞，政務司司長唐英年、特首辦主任譚志源日前同陳念慈、葉姵延打混雙友誼波，以示支持本地體壇，唐英年更透露自己左腳腳痛，唔知有冇微言大義。高官得閒，其實應該搵民建聯較量，因為現在球在民建聯手上，佢哋唔轉軚，如何申亞？
李八方
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment