華仔今做肉麻唔講得嘅嘢 ( 2011-02-14 )
[轉載/Youtube] 劉德華恨生仔恨到流口水，昨日他被214名精靈可愛的花仔花女大包圍，未知會否刺激他恨當爸爸的心再度升溫。華仔雖然對如何慶祝情人節守口如瓶，但就罕有透露經常送禮物太太朱麗倩，又會做肉麻事情。
劉德華昨日在九龍灣宣傳電影《我知女人心》，大會安排了214名作花仔花女打扮的小朋友，營造情人節溫馨浪漫場面。問華仔與眾多小孩同場，會否恨得心癢癢想生B？他笑說：「多事。」麥玲玲預言華仔最好先成為契爺，這樣會有利榮升爸爸，華仔說：「隨緣啦，我冇理，亦冇聽過，但我已經有個契女。」
至於情人節會否和太太朱麗倩共度？他說：「呢啲係我自己事，夜晚要出席首映禮。」他更聲稱沒有訂枱和太太食飯慶祝。記者指他不夠甜蜜，華仔即說：「唔好再問啦，低調得o架喇。」
華仔表示過往情人節沒收過最難忘禮物，但求學時曾親手製作玫瑰乾花送給情人，入行後就沒有再送過情人節禮物，不過他說：「成日買禮物咁咪得囉！」表明經常送禮物給太太。他又打破不談家事的作風說：「我哋會做肉麻嘢，但唔會講出嚟畀人聽。」
「唔想做磨心」
有傳華仔用廣東話接受now訪問，但就只肯以普通話為有線做訪問，因而遭有線杯葛，對此華仔說：「我唔想做磨心，因為我係無綫出身，就好似我阿爸阿媽咁，我好尊重六叔（邵逸夫），等第日無綫真係易主之後，我會用廣東話同有線做訪問，我用廣東話同now做訪問，因為now係無綫其中一個平台。」
華仔大細超遭有線封殺
劉德華與鞏俐主演的新片《我知女人心》，前晚在尖沙嘴iSQUARE舉行首映，鞏俐缺席，華仔聯同內地演員袁莉出席為《我》片宣傳。劉德華在《我》片中擁有聽到女人心底話的能力，但回歸現實生活，華仔耍手說：「冇呢啲天賦能力好啲，想了解女人心，自己尋找開心啲。」在工作中度過情人節的他表示，冇預備禮物給太太朱麗倩，只想早點回家休息。
袁莉被電暈
為避免得罪無綫，劉德華一向只以普通話接受有線電視訪問，但華仔早前用廣東話接受now台訪問因而觸怒有線，招來封殺之禍，華仔前晚表示還未弄清楚事件的嚴重性，要先作了解，對於在哪情況才會以廣東話接受有線訪問，華仔說：「冇條件，一路都係咁做。」袁莉與劉德華在戲中有親熱接吻鏡頭，袁莉說：「不用kiss已被華仔電到，他非常柔軟。」
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment