[轉載/Youtube] 主持節目又捱轟 森美：食唐狗好安心
商台DJ森美同拍檔小儀喺06年主持電台節目《架勢堂》時，因為舉行咗一個「我最想非禮女藝人」選舉，遭到婦女團體同普羅市民投訴，最後佢兩個被電台停工兩個月。去年有一位聽眾打去佢哋節目《早霸王》時講到好多人因為生BB而遺棄屋企嘅小動物，森美就話：「狗始終係動物，雖然你好錫你隻狗，但係隻狗唔識錫你個仔，大家要記住，有一日佢咬你個仔嘅時候，你唔好驚訝，因為嗰隻係一隻動物。」呢番說話一出街，令到好多人不滿，facebook仲有一個名為「要求電台DJ森美慎言，停止鹵莽發佈曲解狗隻之言論」嘅群組。
自爆食兔仔肉
點知森美噚日又喺節目上失言，今次佢講開話試過食兔仔肉，佢話：「我一邊食個腦出現兔仔個樣，好驚，如果啲狗冇金毛、西施、芝娃娃，全部都係唐狗咁嘅樣，其實你食得好安心o架！」此話一出又引嚟聽眾投訴佢歧視唐狗。商台對外事務部就呢件事作出回應話：「森美小儀嘅言論係以一啲例子諷刺人食肉嘅行為。」睇嚟森美仲未學到慎言嘅道理。
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment