YouTubeHK 精選影片 03: [娛樂] 張栢芝被刀砍臉感謝老天爺

栢芝被刀砍臉　感謝老天爺( 2011-01-27 )

[轉載/Youtube] 栢芝傷臉不失飯碗　「感謝老天爺」

噚日張栢芝都有出現喺佢有份拍攝嘅電影《楊門女將之軍令如山》招待記者探班、喺內蒙古鄂爾多斯片場嘅現場，導演陳勳奇跟同劇嘅演員任賢齊、劉曉慶、周海媚等都到場。上周先喺一場劍擊入面被刀砍傷臉嘅栢芝已經冇事，問佢俾刀砍傷有乜感受時，佢竟然話要感恩，佢話：「臉上用化妝可以掩蓋，要感謝老天爺的是，沒砍到眼睛，不然演員都做不成了。」佢話當日一個扮西夏士兵嘅武師收刀時方向錯咗，所以砍到佢嘅右邊面。

栢芝仲話雖然受傷但一樣好享受拍戲嘅快感，不過佢強調唔會因為拍戲放棄生第3個BB嘅打算。當日目睹事件經過嘅任賢齊話栢芝天生食呢行飯，小齊話：「她都被砍了，還有力氣跟導演說趁還沒腫起來多拍幾次，不然就太耽誤時間，我們在一旁看着蠻心疼。」

謝賢：辛苦怕乜
此外，謝賢同囡囡謝婷婷嘅男友安志杰，噚日一齊去銅鑼灣幫一隻保健產品做宣傳。講到栢芝受傷，佢話：「問過佢冇事啦，辛苦怕乜，自己都辛苦咗幾十年。」講到安志杰係咪有機會叫佢做爹哋，四哥就話女大女世界。身為未來女婿嘅安志杰就話好鍾意四哥咁開明嘅性格，至於有冇機會叫一聲爹哋就要睇時機喎。